اردبيل
وطنيم شانلي دياريم
اي منيم ليل و نهاريم
سن منيم هرنه واريمسان
سن صداقتلي ياريمسان
سن اميديم قراريمسان
اي منيم باغ و بهاريم
وطنيم شانلي دياريم
گوزومون نوريسان ايدل
سوزومون شوريسان ايدل
سن ئوزون حوريسان ايدل
سن منيم سئودالي ياريم
وطنيم شانلي دياريم
اي منيم روح و روانيم
اميديم ديلده بيانيم
هدفيم نام و نشانيم
باشدا وار شور وشراريم
وطنيم شانلي دياريم
دارلارشاد آدون اولموش
اوزگه آدلاريني يولموش
چپ باخانلارگوزي سولموش
اي منيم ايل و تباريم
وطنيم شانلي دياريم
گوز آچيب سنده مقدس
چپ باخانماز سنه بير كس
سن ادب مخزني سن بس
ديلگيم نازلي نگاريم
وطنيم شانلي دياريم