یارین_یئری_بوش


سوموکلریم ده اؤلوم تار چالیر یارین یئری بوش
کفن یاغیر باشیما قات با قات قارین یئری بوش

بو اللریم یئنه ده بی گلین کیمی بزه نیب
اوزومده دیرناغیما توی توتوب تارین یئری بوش

سوزوم گیله گیله گؤزده قانا دؤنوب سوزولور
غزللریم سارالیر گون به گون نارین یئری بوش

نه یئر ده یم نه ده گؤی ده چالیخیرام هاوادا
یامان بئله آسیلی قالمیشام دارین یئری بوش

بو دونیا اینیمه داردیر داریخدیریر جانیمی
بیر آیری دونیادا بیر ایری پالتارین یئری بوش

قانیم دا قاینادی دریم ده...فریادیم..دا یئنه
غزل غزل دوزولن ایستیکانلارین یئری بوش


  اسد_نیک_فال ( فریاد )